Кәтибә - шағирә тигән һүҙ!

Фатима Мостафина исемендәге 20-се ҡала башҡорт гимназияһында Һәҙиә Дәүләтшина исемендәге дәүләт премияһы лауреаты, күренекле балалар шағирәһе Кәтибә Кинйәбулатованың тыуыуына 100 йыл тулыуға арналған онлайн-семинар уҙҙы.

Башҡорт рухы менән һуғарылған был сарала балалар Кәтибә Кинйәбулатованың тормошонан бик бай һәм фәһемле мәғлүмәт алды. 1954 йылда балалар өсөн яҙылған тәүге китабы сығыуын, ижадының башланғыс осоронда күберәк балалар яҙыусыһы булараҡ танылыу яулауын да белделәр.

Онлайн-семинарҙы матур һәм йөкмәткеле итеп ойошторғандары өсөн гимназияның уҡытыусы-китапханасыһы Разия Сибәғәт ҡыҙы Ғәйнуллинаға һәм уға ярҙам итеүселәргә, музыка уҡытыусыһы Әлиә Рәфҡәт ҡыҙы Туҡтамышеваға, «Ҡурайсылар» етәксеһе Салауат Рауил улы Вәлиев менән башҡорт теле һәм әҙәбиәте уҡытыусыһы Эльмира Салауат ҡыҙы Хәсәноваларға, афарин, тип әйтәһе килә.

Зөһрә ХӘКИМОВА. Өфө ҡалаһы.

Читайте нас: