+20 °С
Облачно
Юбилейҙар
1 Февраля 2022, 05:35
Шағир Рамай ҠАҺИРға - 60 йәш
Шағир, яҙыусы Рамай Ҡаһир (Ҡаһиров Рамай Рәйес улы ) 1962 йылдың 19 ғинуарында Учалы районы Өргөн ауылында тыуған. 2005 йылдан Башҡортостан Республикаһы Яҙыусылар союзы ағзаһы. Учалы районының Рәмзилә Хисаметдинова исемендәге әҙәби премияһы лауреаты (2013). «Төштәремдә ҡояш күрҙем», «Аҡ ҡауырһын», «Сиренле йорт», «Балҡыштар», «Тейен ҡунаҡ саҡырған» тигән китаптары баҫылып сыҡҡан.Әҫәрҙәре матбуғат баҫмаларында донъя күреп тора.
Себеште көҙ һанайҙар
Һәр эштә лә алдынғы мин,
Уҡыйым тик «бишле»гә.
Маҡтау һүҙҙәре лә миңә
Иң беренсе эләгә.
Бөгөн тағы «биш» алдым, тип
Маҡтанһам ағайыма.
Ҡырыҫ ҡарап әйтеп ҡуйҙы:
«Көт әле, ҡабаланма!
Алдан ҡысҡырма, – ти, – ағай,
Себеште көҙ һанайҙар.
Сығарылыш уҡыусыһын
Имтиханда һынайҙар!»
Ярар, тинем ағайыма,
Себеште көҙ һанарбыҙ.
...Беҙ, тырыштар, мәктәпте лә
«Алтын»ға тамамларбыҙ!
Һүҙҙән бутҡа бешермә
Дуҫтарым менән һөйләшеп,
Торам һаман ҡайталмай.
«Һүҙҙән бутҡа бешермәгеҙ,
Таралығыҙ, – ти, атай, –
Һүҙҙән бутҡа бешергәнсе,
Булығыҙ, ти, эш менән.
Йөрәккә ятты...
Өләсәйем йыш ауырый,
Дарыуҙар ҡаба.
Әсәй уны йыуатырлыҡ
Йылы һүҙ таба.
Өләсәйҙе хөрмәт итә,
Сабыйҙай ҡарай.
Йыуындыра, тәрбиәләй,
Сәстәрен тарай.
Эй, ҡыуана өләсәйем:
«Дәртем, – ти, – артты.
Һеҙҙең йылы һүҙҙәрегеҙ
Йөрәккә ятты!»
Ауыҙыңа бал да май
Ололарға ярҙамлашам,
Егәрле мин һәм ябай.
Берәй изгелек эшләһәм,
Күңелгә рәхәт ҡалай!
Ихтирамлап һөйләшәмен,
Мин – итәғәтле малай!
...Өләсәйем шат йылмая:
«Ауыҙыңа бал да май!»
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
