Альбина апайға - 85 йәш

 Ҡул эштәре күргәҙмәһе хатта Мәскәүҙә лә ойошторолдо. Һоҡланғыс шәхес, «Ал да нур сәс халҡыңа» миҙалы кавалеры.

25 ғинуарҙа Альбина Хажим ҡыҙына 85 йәш тулды. Ихлас ҡотлайбыҙ һәм ныҡлы һаулыҡ, оҙон ғүмер теләйбеҙ.

Альбина апай 1938 йылда Әбйәлил районы Асҡар ауылында тыуған. Балалар йортонда тәрбиәләнә. Өфөләге 1-се интернат-мәктәпте тамамлай.

 Спорт гимнастикаһы (1958) һәм саңғы (1959) буйынса Башҡорт АССР-ы чемпионы. Спорт гимнастикаһы буйынса СССР-ҙың спорт мастеры (1959).

Ул - хатта «Байыҡ» республика конкурсы лауреаты ла (2011).  

Тормош иптәше, ғалим инженер-механик  Фәнис ағай Исхаҡов менән бергәләп 80  йәштә ГТО нормаларын алтын миҙалға үтәгәндәр. Әйткәндәй, улар – синыфташтар. Ҡыҙ һәм ул тәрбиәләп үҫтергәндәр. Ейәндәре Сыңғыҙ менән Искәндәр Ханнановтар «Тамыр»ҙың тәүге тапшырыуҙарын алып барыусылар ине. 

Фото асыҡ сығанаҡтан.