+13 °С
Болотло
Бөтә яңылыҡтар
Замана дәрестәре
19 Февраль 2021, 16:26
Айгизгә етеп ҡара!
Быйыл «IDEL» полилингваль олимпиадаһы V – IX cиныф уҡыусылары араһында ике этапта уҙғарылды. Тәүгеһе дистанцион рәүештә ойошторолдо.
Унда гимназиябыҙҙың VIII «Б» синыфынан Айгиз Харрасов та ҡатнашты. Ул математика, урыҫ, инглиз, башҡорт телдәре буйынса үҙ көсөн һынаны. 1 мең ҡатнашыусы араһынан Айгиз икенсе этапҡа үтте. «Һөҙөмтәләрҙе белгәс, ҡурҡтым да, шатландым да, – ти ул. – Өфөлә бит иң-иңдәр генә йыйыласаҡ».
Әйткәндәй, бәйге баш ҡаланың 44-се күп йүнәлешле полилингваль мәктәбендә уҙғарылды. Республикабыҙҙан бөтәһе 100 уҡыусы һайлап алынғайны. Ҡатнашыусылар төркөмдәрҙә Башҡортостандың мәҙәниәте, иҫтәлекле урындары тураһында төрлө телдәрҙә проекттар әҙерләгән. Һуңынан һәр команда эшен яҡлап сығыш яһаған, жюриҙың һәм ҡатнашыусыларҙың һорауҙарына яуап биргән. Беҙҙең Айгиз халҡыбыҙҙың милли батыры Салауат Юлаевтың һәйкәле тураһында ғилми хеҙмәтен тәҡдим иткән. Шуның буйынса инглиз һәм башҡорт телдәрендә сығыш яһаған. Уның проектын жюри ағзалары бик уңышлы, тип баһалап, мәғариф һәм фән министры Айбулат Хажин үҙен сертификат, флешка менән бүләкләгән.
Ғөмүмән, беҙҙең Айгиз – күптәргә өлгө. Башланғыс синыфта уҡығанда уҡ фәнни-эҙләнеү эштәренә тотона. Икенселә республика кимәлендәге фәнни-ғәмәли конференцияла II урын алған. Башҡорт теле йылында республика иншалар конкурсында III урын яуланы. Етенселә уҡығанда Башҡортостан Башлығының Шыршы байрамына барып ҡайтты. Беҙ Айгизгә артабан да тырышып уҡыуын, яратҡан һөнәрен алып, тормошонан, эшенән йәм табып йәшәүен теләйбеҙ.
Эльвина ӘБСӘЛӘМОВА,
XI синыф уҡыусыһы.
Күмертау ҡалаһы,
3-сө республика башҡорт интернат-гимназияһы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж