Рәлифтең ғаилә оҫтаханаһы бар. Ул яҡындары менән ҡамсы, башҡорт милли биҙәүестәре, һаҡалдар, кейеҙҙән түбәйтәйҙәр эшләй, башлыҡ та тегә.
– Беҙҙең маҡсат – ҡунаҡтарҙы һәм чемпионат ҡатнашыусыларын беҙҙең төбәк халҡының мәҙәниәте менән таныштырыу. Ә иң мөһиме – халыҡтар дуҫлығын күрһәтеү, – ти оҫта.
Рәлиф Ситдиҡов кәсепселек менән осраҡлы рәүештә шөғөлләнә башлай.
– Водитель булып эшләгән саҡта ҡайһылыр ваҡытта ижад менән мауығып киттем. Краснодар крайына барып килдем, ҡамсы менән ҡыҙыҡһына башланым. Шулай кәсепселек эшен үҫтерә башланым. Ә минең ҡәйнәм һәр ваҡыт һаҡалдар эшләй ине, бер аҙҙан ҡатыным да мауығып китте. Беҙҙең хоббибыҙ ошолай ғаилә эшенә әйләнде, – ти ул.