Беренсе дәрәжә дипломды «ОЗНА-Инжиниринг» ғилми-производство предприятиеһы алһа, икенсе урынды – «Нефтекама яһалма күн производствоһы берекмәһе», өсөнсө урынды «Благовещен арматура заводы» яуланы. Еңеүселәр остазлыҡ конкурсының Бөтә Рәсәй этабында ҡатнашасаҡ.
Тағы ла ике ҡыуаныслы яңылыҡ. WorldSkills стандарттары буйынса имтихан тапшырыусы төбәктәр араһында Башҡортостан – тәүге бишәү араһында. Тәүге өс урында – Мәскәү, Нижегородка һәм Һамар өлкәләре. Яҡын киләсәктә бындай күрһәтмә имтихандар илдең бөтә колледж һәм техникумдарында мотлаҡ индереләсәк. Шуныһы ҡыуаныслы: быйыл бер нисә Өфө колледжына, юғары уҡыу йорттарына ҡарағанда ла, конкурс ҙурыраҡ булған.
Фото: "Башинформ".