Йола буйынса, унда вокал ғына түгел, йырсының хислелеге, образының сағыулығы, сәхнәләге кәүҙәләнеше лә баһалана. Йәнле тыңлауҙар концерт программаһы рәүешендә була, тәнәфестә ҡатнашыусылар, тамашасылар күңелле уйын-викториналарҙа ҡатнашып, бүләктәр алып ҡыуанасаҡ. Бәйге 19 сәғәттә башлана. Инеү ирекле.
Быйыл үҙенең унынсы юбилей миҙгелен үткәргән "Өфө Тулҡыны" музыкаль конкурсына республикабыҙҙың төрлө ҡала һәм райондарынан, илдең төрлө мөйөштәренән 300-гә яҡын ғариза ҡабул ителгән. Шуларҙың 91-е генә ҡатнашыусы статусын алды. Улар араһында йәш йырсылар Һәм 9-17 йәшлек төркөмдәр, йырсылар, ансамблдәр һәм дуэттар бар. Йәш конкурсанттар Өфө Стәрлетамаҡ, Нефтекама, Салауат, Ағиҙел, Туймазы ҡалаларынан, Иглин, Ҡырмыҫҡалы, Фёдоровка райондарынан. Шулай уҡ бәйгегә Мәскәү, Санкт-Петербург ҡалалары, Ырымбур Магнитогорск, Омск, Түбәнге Новгород, Силәбе өлкәләренең һәләтле балаларының ғаризалары ла ҡабул ителгән.
#уфимскаяволна2021 #тенгри #спутникфм #фондпрезидентскихгрантов
#музыкальныйконкурс #кастингведущих #уфа #башкирия #радио #концерты
#живыепрослушивания #отчетныйконцерт #акции #видеодневники