+15 °С
Облачно
Бәйгеләр
22 Сентября 2021, 12:12
Баш ҡалаға арналған фотолар конкурсы үтәсәк
21 сентябрҙән 13 октябргә тиклем «Яратҡан ҡалам, һинән дә матурырағы юҡ» тигән фотолар конкурсы ойошторола. Унда 6 йәштән һәм унан өлкәндәр ҡатнаша ала.
Баш ҡалаға арналған фотолар конкурсы үтәсәк
Фотолар конкурсын Өфө ҡалаһы округының үҙәкләштерелгән киң күләмле китапханалар системаһының 26-сы моделле һәм 16-сы китапханалары ойоштора. Бәйгенең маҡсаты – ҡала халҡын Рәсәй ҡалаларының мәҙәни-тарихи мираҫына йәлеп итеү. Конкурсҡа jpg форматында яратҡан урамың, ишек алды, һәйкәл йәки яратҡан урының төшөрөлгән эштәр ҡабул ителә.
Бында ҡатнашыу өсөн «Бәйләнештә» селтәрендәге https://vk.com/bib16ufa, https://vk.com/biblio26_ufa төркөмдәренә яҙылырға кәрәк. Конкурс ике этапта үтәсәк: эштәрҙе ҡабул итеү һәм тауыш биреү.
Фото менән ғаризаны 16@ufa-lib.ru электрон почтаһына 5 октябргә тиклем ебәрергә була. Барлыҡ ҡатнашыусыларға ла сертификаттар биреләсәк. Тулыраҡ мәғлүмәтте ошо һылтанма буйынса алырға мөмкин.
Фото: https://vk.com/kulturarb.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
