+16 °С
Дождь
Бәйгеләр
2 Ноября 2021, 10:45
Халыҡ-ара фестивалдә «Алтын һарай» фильмы иң яҡшыһы булды
Ҡаҙағстанда анимацион фильмдарҙың халыҡ-ара фестивале үткәйне. Был сараның статуэткаһын һәм иң яҡшы режиссёрлыҡ эше өсөн махсус дипломды башҡорт мультипликаторы Рим Шәрәфетдиновтың «Алтын һарай» анимацион фильмы алды.
Халыҡ-ара фестивалдә «Алтын һарай» фильмы иң яҡшыһы булды
Фестивалгә төрлө илдәрҙән 57 эш ебәрелгән ине, шуларҙың 49 һайлап алынды.
«Алтын һарай» мультипликацион фильмы Башҡортостан Республикаһы Хөкүмәте һәм республикабыҙҙың Мәҙәниәт министрлығы ярҙамында төшөрөлгән. Уның сюжет нигеҙендә кәләш эҙләп сәйәхәткә сығыусы батыр тарихы ята. Йәнһүрәтте ҡурсаҡ театры артистары тауышландырған. Геройҙарҙың береһе республикабыҙҙың халыҡ артисы Асҡар Абдразаҡов тауышы менән һөйләй. Фильмдың премьераһы ошо йылдың мартында үткәйне.
Әйтергә кәрәк, Рим Шәрәфетдинов - Рәсәйҙең һәм Башҡортостандың билдәле мультипликаторы, республикабыҙҙың атҡаҙанған мәҙәниәт хеҙмәткәре, “Башҡортостан” киностудияһында 30 йылдан ашыу эшләй.
Фото: https://vk.com/kulturarb.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
