"Тай-тулаҡ" исемле конкурс үтәсәк

– Тарихтан билдәле булыуынса, Ватан һуғышында еңеүгә башҡорт атлылары тос өлөш индергән, француздар уларҙы "төньяҡ амурҙары" тип тә атай, – ти конкурсты ойоштороусы Алмас Шөгөров. – Наполеон менән һуғышта 28 башҡорт полкы ҡатнашҡан. Әлеге беҙҙең үткәреләсәк конкурс башҡорт атлыларын һәм башҡорт тоҡомло аттарҙың ҡаһарманлығын данлау, бай тарихыбыҙға хөрмәт күрһәтеүҙе маҡсат итеп ҡуя ла инде.

Санитар талаптарға ярашлы, конкурста тик ун команда ҡатнаша ала. Ойоштороусылар Урал аръяғының бөтә райондарына ҡатнашырға саҡырыу ебәргән. Конкурс шарттарына ярашлы, командаға (2 ярҙамсы һәм 1 атҡа һыбай менеүсе) 15 минут эсендә менгегә өйрәтелмәгән атты ҡороҡларға һәм уға һыбай менергә тейеш. Шулай уҡ атта  оҙағыраҡ һыбай йөрөү ҙә төп шарттарҙың береһе буласаҡ.

Өс призлы урын билдәләнеп, еңеүселәргә аҡсалата премиялар тапшырыласаҡ. 

Фото: интернет селтәренән.