+9 °С
Ясна
TelegramVKOKTikTok
Бөтә яңылыҡтар
Бәйгеләр
14 Апрель , 13:55

«Йөрәк һүҙе» яңғыраны

 Өфөнөң Башҡорт дәүләт опера һәм балет театрында «Йөрәк һүҙе. Рәми» шиғриәт конкурсының финалы уҙҙы. Башҡортостандың халыҡ шағиры Рәми Ғариповтың тыуыуына 90 йыл тулыуға арналған сарала 12 конкурсант үҙ йөрәк һүҙен еткерҙе.

"Йөрәк һүҙе" яңғыраны
"Йөрәк һүҙе" яңғыраны

Шулай итеп, Мәжит Ғафури исемендәге Башҡорт академия драма театры актёры, Шәйехзада Бабич исемендәге республика дәүләт йәштәр премияһы лауреаты Артур Кәбиров еңеү яуланы һәм 500 мең һум аҡса менән бүләкләнде. Ул Рәми Ғариповтың 1964 йылда яҙылған, ләкин 1987 йылда ғына донъя күргән «1937» поэмаһын һөйләне.

Икенсе урынға Өфөнән блогер Зөбәржәт Утарбаева лайыҡ булды. Уға 200 мең һуң аҡса тапшырылды.

Өсөнсө урын һәм 100 мең һумлыҡ бүләк БДАУ студенты Нияз Зәмәлетдиновҡа бирелде.

«Йыл авторы» призы Башҡортостандың халыҡ шағиры Рәми Ғариповтың балалары — улы Азамат менән ҡыҙы Гөлнараға тапшырылһа, «Тамашасы һөйөүе» номинацияһын БДУ-ның Стәрлетамаҡ филиалы студенты Урал Таһиров яуланы.

Фото: https://api.rbsmi.ru/attachments/

Автор:Юлиә Кирәева
Читайте нас в