«Донъяны матурлыҡ ҡотҡарыр»

Ҡурсаҡ  уйнамаған бала юҡтыр. Күп ҡыҙҙарҙың бала сағы уның менән үткәндер. Борондан ҡурсаҡты яратҡандар, уны ағастан, балсыҡтан, төрлө туҡыманан яһағандар.

Беҙҙең Өфө ҡалаһында Башҡорт дәүләт ҡурсаҡ театры ла бар. Ул хәҙер яңыртылып, ысынлап бер әкиәти донъяға оҡшап тора. Был театр тышҡы биҙәлеше менән үк үҙенә йәлеп итә. Ә эскә үтеп инһәң, ожмах утрауы һымаҡ.

Башҡорт дәүләт ҡурсаҡ театры – Рәсәйҙә тәүгеләрҙән булып ойошторолған милли театрҙарҙың береһе.

Бына бөгөн улар беҙҙең «Йәншишмә» республика балалар һәм үҫмерҙәр гәзите менән бергә бәйге иғлан итә. Еңеүселәр өс номинация буйынса бүләкләнәсәк.

1. «Минең яратҡан әкиәт геройым», «Минең яратҡан ҡурсағым».

Бында бәйләнгән, пластилиндан, ҡағыҙҙан һәм башҡа материалдан эшләнгән ҡул эштәрен фотоға төшөрөп ебәрегеҙ.

2. «Донъяны матурлыҡ ҡотҡарыр».

Театрыбыҙ тураһында инша, әкиәт, ҡыҙыҡлы мәҡәләләр көтөп ҡалабыҙ.

3. «Театр афишаһы».

Һүрәттәр, компьютер технологиялары менән эшләнгән график эштәр ҡабул ителә. Формат – А3.

Бәйге еңеүселәрен жюри ағзалары  6 – 10, 11 – 14, 15 – 17 йәштәгеләр араһында айырым билдәләйәсәк.

Хөрмәтле дуҫтар! Конкурс эштәрен 25 декабргә тиклем «Йәншишмә»нең  электрон почтаһына ([email protected]) йә «Бәйләнештә» социаль селтәрендәге төркөмгә ебәрегеҙ. Иң яҡшы эштәр гәзит биттәрендә донъя күрәсәк. Уңыштар һеҙгә!