Тантаналы сарала Мәғариф идаралығы һәм Ғәҙәттән тыш хәлдәр министрлығы хеҙмәткәрҙәре ҡатнашты. Улар балаларҙы мөһим ваҡиға менән ҡотланы һәм уңыштар теләне.
Уҡыусылар йәш ҡотҡарыусылар антын биреп, намыҫлы һәм тоғро иптәш булырға, өлкәндәрҙе ихтирам итергә һәм кеселәргә ярҙамлашырға, уҡыуҙа һәм спортта еңеүгә ынтылырға, сәләмәт тормош алып барырға, илебеҙҙең патриоты һәм лайыҡлы гражданы булырға вәғәҙәләне. Сара барышында балаларға «Йәш ҡотҡарыусы» танытмаһы тапшырылды.
Гөлназ ИБРАҺИМОВА.
Хәйбулла районы.