«Пушкин картаһы» программаһына 800-ҙән ашыу дәүләт һәм шәхси мәҙәни ойошма индерелгән. Уны тормошҡа ашырыуға Хөкүмәт тарафынан 4 миллиардҡа яҡын аҡса бүленәсәк.
Картаның суммаһы 3 мең һумды тәшкил итә. Уны юллап алыр өсөн «Дәүләт хеҙмәттәре» порталында ғариза бирергә кәрәк. Әлеге картаны сентябрь-декабрь айҙарында ҡулланырға мөмкин. Ә алдағы йылдан суммаһы 5 меңгә тиклем арттырыласаҡ.
Был проектҡа республикабыҙ ҙа ҡушыла. Әлеге көндә Башҡортостандың бөтә театр-концерт ойошмалары, дәүләт музейҙары ингән.
Фото: "Башинформ".