Чемпионатта 76 төбәктән командалар ҡатнашасаҡ

Шуларҙың иң ҙуры – Мәскәүҙән. Делегация составында – 411 кеше, шул иҫәптә 193 конкурсант 146 компетенция буйынса ярышасаҡ.

– Беҙ Өфөгә еңеү өсөн осабыҙ, беҙҙең башҡа вариант юҡ. Беҙ – иң күп һанлы йыйылма команда, WorldSkills стандарттары буйынса чемпионаттың абсолют еңеүселәре, – тип белдерҙе Мәскәүҙәге һөнәри белемде үҫтереү үҙәге директоры урынбаҫары Елена Сумакова.

Унан алда чемпионатта ҡатнашыу өсөн Якутия, Хабаровск һәм Краснодар крайы, Ҡабарҙы-Балҡар республикаһынан делегациялар килгән. Унан тыш, яҡын арала Санкт-Петербургтан вәкилдәр килеү көтөлә. Уларҙың составында – 77 компетенция буйынса ҡатнашыусы 110 кеше. Күптәре ярыштарҙа тәүге тапҡыр көсөн һынай.

WorldSkills финалы – һөнәри белем биреү учреждениеларының 16 йәштән 25 йәшкә тиклемге студенттары һәм 16 йәшкә тиклем WorldSkills Russia Juniors йүнәлеше вәкилдәре араһында WorldSkills стандарттарына ярашлы үткәрелгән иң ҙур ярыш. Быйыл ул 25 – 29 августа Өфө ҡалаһында уҙасаҡ. Сара «Мәғариф» милли проектына ярышлы ойошторола. Ярыштарҙа барлығы Рәсәйҙең 76 төбәгенән командалар көс һынашасаҡ. Улар 105 компетенция буйынса оҫталығын күрһәтәсәк.

#WorldSkillsRussia #Нацфинал2021 #НацфиналУфа

Фото: https://vk.com/kulturarb.