Муллайән Халиҡовҡа бюст асылды

Бюст Бүздәк ауылындағы 1-се мәктәп биләмәһендә урынлашҡан. Уның авторы - Башҡортостандың билдәле скульпторы Владимир Дворник.

-Муллайән Халиҡов бик аҡыллы сәйәсмән булған. Уның ҡултамғаһы БАССР-ҙы булдырыу тураһындағы килешеүгә ҡуйылған. Муллайән Дәүләтша улы Башҡорт АССР-ы Совнаркомы рәйесе вазифаһындағы эшмәкәрлеге һөҙөмтәһендә беҙҙең республиканың административ сиктәре ҙурая, ә баш ҡаланы Стәрлетамаҡтан Өфөгә күсерәләр.

Ауыр замандар булыуға ҡарамаҫтан, ул фекерҙәштәре менән халыҡ хужалығын тергеҙеүгә өлгәшә, ул үҙе башҡорт мәҙәниәтен, телен, республиканың рухи мираҫын һаҡлауға ҙур көс индерә, – тип белдергән Республика Башлығы Радий Хәбиров.

Сәйәсмән, йәмәғәт эшмәкәре булған Муллайән Халиҡовҡа бюст асылыуы Башҡортостан Республикаһына нигеҙ һалыусыларға хөрмәт-ихтирам билгеһе ул, ул ғына ла түгел, тарихи шәхестәребеҙҙең исемен мәңгеләштереү буйынса республика етәксеһе тарафынан эҙмә-эҙлекле алып барылған эш һөҙөмтәһе лә.

Фото: https://api.rbsmi.ru/attachments/ceb6cfe