+12 °С
Болотло
TelegramVKOKTikTok
Бөтә яңылыҡтар

Журналистар «Медиайыйын»ға йыйылды

Бөгөн Өфөнөң «Торатау» конгресс-холында Башҡортостан Республикаһы киң мәғлүмәт сараларының форумы - «Медиайыйын» үтә. Унда Республика Башлығы Радий Хәбиров та ҡатнаша.

Журналистар «Медиайыйын»ға йыйылды
Журналистар «Медиайыйын»ға йыйылды

Был Башҡортостандың бөтә журналистарын берләштергән тәүге форум булыуы менән тарихҡа инеп ҡаласаҡ. Унда республикабыҙҙың төрлө төбәктәренән 600-ҙан ашыу кеше ҡатнаша.

Форум программаһында бер нисә секция эшләүе планлаштырылған. «Медиайыйын»дың спикерҙары – « Russia Todaу» телеканалының генераль директоры Алексей Николов, « Аргументы и Факты » йәмғиәте генераль директорының беренсе урынбаҫары Марина Николаевна Мишункина, «Рәсәй 1» телеканалының Яңы медиа хеҙмәте етәксеһе Марина Сезина һәм башҡалар.

Оҫталыҡ дәрестәренең эше түбәндәге йүнәлештәр буйынса ойошторолған: эфир, баҫма, һанлы медиалар, заманса журналистика, милли киң мәғлүмәт саралары, биләмәләрҙе танытыу һәм үҫтереү. Форум барышында төрлө райондарҙан килгән ижади һәләтле балалар, мәктәп уҡыусылары менән осрашыуҙар ҙа ҡаралған.

 

 

Автор:Юлиә Кирәева
Читайте нас в