“Башҡортостан” телерадиокомпанияһының “Юлдаш” радиоһы, “Галактика” күңел асыу үҙәктәре селтәре менән берлектә дүртенсе йыл инде сәхнәгә башҡорт һәм татар эстрада йондоҙҙарын йыйҙы. Байрамға яҡын-тирә райондарҙан, ауылдарҙан, хатта Рәсәйҙең төрлө төбәктәренән дә килеүселәр булды.
Сараны “Юлдаш” радиоһынан барыбыҙға ла яҡшы таныш “теге өсәү” алып барҙы. 30-ға яҡын республикаға билдәле эстрада артистары 5 сәғәт буйы тамашасыларға 87 популяр йырҙарын бүләк итте.
Шулай уҡ башҡорт музыка ҡоралдарында уйнау, милли кейемдәр тегергә өйрәтеү буйынса оҫталыҡ дәрестәре лә ойошторолдо. Милли биҙәүестәр һатып алырға ла мөмкин ине.
Сығанаҡ: bashgazet.ru