Башҡорт теле көнөндә матур тамашалар күрһәтеләсәк

Яңыраҡ ҡына Чебоксар ҡалаһында үткән «Иҙел буйы әкиәте» фестивалендә «Йәш тамашасы өсөн иң яҡшы спектакль» исеменә лайыҡ булған Таңсулпан һәм Зөһрә Бураҡаеваларҙың «Арба» әкиәте иртәнге сәғәт 11-ҙә күрһәтелгәйне. Уны ҡарап өлгөрмәгәндәр был спектаклде көндөҙгө сәғәт 3-тә  «Культура РФ.» порталында онлайн ҡарай ала.

Көндөҙгө ваҡытта  социаль селтәрҙәрҙә башҡорт шағирҙарының шиғырҙары театр актёрҙары башҡарыуында видеояҙмаларҙа урын аласаҡ. Киске cәғәт 6-ла яҙыусы Айһылыу Йәғәфәрованың «Урал иле» әкиәте видеояҙмаһын Башҡортостандың халыҡ артисы Зифа Дәүләтбаева башҡарыуында театрҙың YouTube каналында һәм социаль селтәрҙәрендә күрергә мөмкин буласаҡ.

Киске сәғәт 7-лә Наил Ғәйетбай пьесаһы буйынса ҡуйылған «Ғашиҡтар көнө» музыкаль комедияһы күрһәтеләсәк.

Театрҙың әҙәбиәт бүлегенән хәбәр итеүҙәренсә, спектаклдәргә билеттарҙы Пушкин картаһы менән дә алырға була. Шулай уҡ һаҡланыу саралары хаҡында ла оноторға ярамай.

Фото: https://vk.com/kulturarb.