Иҫке төрки телен өйрәнергә теләһәң...

Дәрестәр китапханаға яҙылыусыларҙың һорауы буйынса үткәрелә. Былтыр курстар бушлай ойошторолғайны. Был юлы килешеү нигеҙендә уҙасаҡ. Уҡыу төркөмдәр йыйылғандан һуң башланасаҡ. Дәрестәрҙе китапхананың ҡулъяҙмалар һәм һирәк китаптар бүлеге мөдире, доцент, филология фәндәре кандидаты Флүр Сибәғәтов алып барасаҡ.

Билдәле булыуынса, революцияға тиклемге архивтар, шул иҫәптән ревизия әкиәттәре, халыҡ иҫәбен алыу, генеалогик яҙмалар иҫке төрки телендә алып барылған. Ә иҫке төрки телен өйрәнеү, китапханаға яҙылыусылар әйтеүенсә, генеалогик ағас-шәжәрәне төҙөгән саҡта фамилия яҙмаларын өйрәнеүҙә һәм тикшереүҙә ярҙам итә.

Дәрестәр Әхмәтзәки Вәлиди исемендәге милли китапхананың ҡулъяҙмалар һәм һирәк китаптар бүлегендә (Өфө ҡалаһы, Ленин урамы, 4, 1-се ҡат) үтәсәк. Белешмәләр һәм яҙылыу өсөн телефон: 287-13-00.

Фото: https://vk.com/kulturarb.