«Аятел-Көрси»ҙе ғүмерендә бер тапҡыр ғына булһа ла ҡысҡырып уҡыған кешегә Аллаһ фани донъялағы мең төрлө бәләнән, әхирәттәге мең төрлө күңелһеҙ хәлдәрҙән ҡотолоу юлын бүләк итер.
– «Аятел-Көрси»ҙе үҙен генә уҡыу ҙа мең аят уҡыу менән бер. Һәр кем өйөнән уны уҡып сыҡһа, йөрөгән еренән әйләнеп ҡайтҡансы ул Аллаһы Тәғәләнең яҡлауында булыр. «Аятел-Көрси» уҡылған йортҡа утыҙ көн буйына шайтандар яҡын килә алмаҫ. Берәү йоҡоға китер алдынан уҡыһа, Аллаһы Тәғәлә уның үҙен дә, күршеһен дә, күршеһенең күршеһен дә, яҡын-тирәлә булған башҡа өйҙәрҙе лә һәр төрлө насарлыҡтан һаҡлар, – тигән пәйғәмбәр, ғәләйһис-сәләм.