«Әй, һеҙ, иман килтергән кешеләр! Әгәр йома көнө намаҙға саҡырылһағыҙ, Аллаһты иҫкә алыу өсөн ашығығыҙ, һатыу итеүҙе ҡуйығыҙ. Әгәр белһәгеҙ, был һеҙҙең өсөн яҡшыраҡ. Намаҙ үтәлгәс, Ер йөҙөнә таралығыҙ һәм Аллаһтың йомартлығын эҙләгеҙ, Аллаһты йыш иҫкә алығыҙ – бәлки һеҙ бәхетле булырһығыҙ», – тиелә Ҡөрьән сүрәһе аяттарында. Мосолмандар изге йома көнөн хаҡ эштәргә, өҫтәмә намаҙҙарға һәм теләктәргә арнап үткәрә.