Бөгөн – Ғәшүрә көнө

Был көндәрҙә тотҡан ураҙа бик сауаплы, ул йыл буйына эшләнгән гонаһтарҙы ярлыҡауға сәбәп була, ти. Мөхәммәт пәйғәмбәр ҙә, ғәләйһис-сәләм, ураҙа тоторға ҡушҡан булған. «Ғәшүрә көнөндәге ураҙа үткән йылдағы гонаһтарҙы ярлыҡай. Шуға кемдең мөмкинлеге бар, ураҙа тоторға тырышығыҙ», – тигән. Ураҙаны бер көн генә түгел, 2 йәки 3 көн итеп тоторға ҡушыла. Мөхәммәт пәйғәмбәр, ғәләйһис-сәләм, үҙе был ваҡыттарҙа өс көн ураҙа тотҡан.

Фирғәүендең һыуға батыуы, Ғайса пәйғәмбәрҙең, ғәләйһис-сәләм, күккә ашыуы, Әйүп пәйғәмбәрҙең, ғәләйһис-сәләм, төрлө ауырыуҙарҙан сәләмәтләнеүе, Әҙәм пәйғәмбәрҙең, ғәләйһис-сәләм, тәүбәләре ҡабул ителеүе, Нух пәйғәмбәрҙең, ғәләйһис-сәләм, туфан һыуынан ҡотолоуы – бөтәһе лә Ғәшүрә көнөндә булған, тиелә. Был көндө бирелгән бер бөртөк саҙаҡа өсөн дә ҙур әжер әҙерләнә, тигән һүҙҙәр ҙә бар.

Фото: https://www.cilecenter.org/resources/news/deadline-extended-call-research-papers-narrative-and-ethics-morals-quranic-stories.