+21 °С
Болотло
TelegramVKOK
Бөтә яңылыҡтар
Күргәҙмәләр
10 Ноябрь 2021, 08:25

Ейәнсура оҫталарының күргәҙмәһе 21 ноябргә тиклем дауам итәсәк!

Баш ҡалабыҙҙағы «Урал» халыҡ сәнғәте галереяһында ике күргәҙмә асылды. «Халҡым минең – сикһеҙ хазина» тип исемләнгәнендә Ейәнсура районы шәл оҫталарының эштәре ҡуйылған.  Икенсе күргәҙмә Иҫәнғолдағы Сөләймән Абдуллин исемендәге балалар сәнғәт мәктәбе уҡыусылары һәм педагогтарының эштәренән тора.

Ейәнсура оҫталарының күргәҙмәһе 21 ноябргә тиклем дауам итәсәк!
Ейәнсура оҫталарының күргәҙмәһе 21 ноябргә тиклем дауам итәсәк!

– Беҙҙең оҫталарға, ҡул эше сәнғәтенә һәм был кәсепкә ихтирам менән ҡараусы барыһына ла рәхмәтлебеҙ. Әгәр ҙә был эш менән шөғөлләнеүселәр бар икән, яңы уй-фекерҙәр ҙә барлыҡҡа килә. Беҙҙең оҫталар Рәсәй Федерацияһының Сәнәғәт һәм сауҙа министрлығы булышлығында үткәрелгән «Өфө. Арт. Кәсептәр. Сувенирҙар» халыҡ кәсептәренең ҙур күргәҙмәһендә лә төп ҡатнашыусыларҙың береһе һәм ҡунаҡтары булып тороуы ҡыуандыра, – тип белдерҙе республика Халыҡ ижады үҙәгенең генераль директоры урынбаҫары Нәфисә Тулыбаева.

Асыу тантанаһында Ейәнсура районы хакимиәте исеменән муниципаль район советы сәркәтибе Марат Мөхәмәтов сығыш яһаны. Ул шәлдәр райондың визит карточкаһы булып тороуын, урындағы оҫталарҙың эштәре һәр ваҡыт республика конкурстарында ла призлы урындар яулауын белдерҙе.

Күргәҙмә 21 ноябргә тиклем эшләйәсәк. Теләүселәр рәхим итегеҙ!

Ейәнсура оҫталарының күргәҙмәһе 21 ноябргә тиклем дауам итәсәк!
Ейәнсура оҫталарының күргәҙмәһе 21 ноябргә тиклем дауам итәсәк!
Автор:Гөлназ Шәйхетдинова
Читайте нас: