+11 °С
Ямғыр
TelegramVKOKTikTok
Бөтә яңылыҡтар
Хоккей
16 Июль 2021, 12:10

Беҙҙең Андрей Василевский – донъяла иң-иңе!

Һөйөнөслө хәбәр еткерәбеҙ. Бишенсе финал уйынында ҡапҡасы Андрей Василевскийҙың «Тампа-Бей Лайтнинг» клубы үҙ боҙонда «Монреаль Канадиенс»ты 1:0 иҫәбенә еңеп, икенсе тапҡыр рәттән Стэнли кубогын яуланы! Дөйөм иҫәп – 4:1.

Беҙҙең Андрей Василевский – донъяла иң-иңе!
Беҙҙең Андрей Василевский – донъяла иң-иңе!

Был алышта яҡташыбыҙ, «Салауат Юлаев»тың тәрбиәләнеүсеһе үҙ ҡапҡаһын оҫта һаҡланы, бер гол да үткәрмәне. Бының менән ул НХЛ рекордын яңыртты. Плей-оффта Василевский биш уйында бер гол да үткәрмәй, һоҡланғыс уңышҡа иреште! Шуға ла үҙенә «Конн Смайт Трофи» призы тапшырылды. Cөнки ул плей-оффтың иң яҡшы уйынсыһы булып танылды.

Ҡотлайбыҙ! Яҡташыбыҙҙың хоккейсылар араһында шулай гел иң-иңе булып ҡалыуын теләйбеҙ.

– Мин кубокты тыуған ҡалам Өфөгә алып ҡайтып күрһәтергә теләйем. Рөхсәт итеүҙәре генә кәрәк, – ти Андрей Василевский.

Көтәбеҙ, әйҙә, Стэнли кубогын беҙгә лә күрһәт, Андрей!

М. КӨЙӘРМӘНОВ.

Автор:Дилара Арсаева
Читайте нас в