"Аҡмулла диктанты"н бергәләп яҙайыҡ!

Быйыл ул Мифтахетдин Аҡмулланың тыуыуына - 190, «Аҡмулла» журналының сыға башлауына - 110 һәм Башҡорт тарихы йылына бағышлана. Бөйөк мәғрифәтсенең ижадын республикабыҙҙа ғына түгел, ә Рәсәйҙә һәм сит илдәрҙә лә  популярлаштырыу, киң йәмәғәтселек иғтибарын туған телде, әҙәбиәтте, мәҙәниәтте, тарихты һәм фольклорҙы өйрәнеүгә йәлеп итеү маҡсатында ойошторола.

«Аҡмулла диктанты» 10 декабрҙән алып 12-һенә тиклем https://bashdict.ru сайтында онлайн форматта үтә. Ул барлығы 30 тест һорауынан тора, бер сәғәт ваҡыт бирелә.  Диктант һорауҙары Мифтахетдин Аҡмулланың тормош юлы, ижадына, замандаштарына, башҡорт теле һәм әҙәбиәте, Башҡортостан тарихына арналған. Барлыҡ ҡатнашыусыларға ла сертификат тапшырыласаҡ. Әйҙәгеҙ, был саранан ситтә ҡалмайыҡ, "Аҡмулла диктанты"н бергәләп яҙайыҡ, дуҫтар!