«Түңәрәк өҫтәл» тәрбиә тураһында һөйләшеүгә арналды

Был «түңәрәк өҫтәл» яҙмаһын республикабыҙҙың мәғариф һәм фән  министрлығы, Башҡортостан Республикаһы менән идара итеү үҙәге социаль селтәрҙәрендә ҡарарға мөмкин.

Был сарала республикабыҙҙың педагогик берләшмәһе күңелдәренә йыйылған мәсьәләләр тураһында һөйләште. Иртәнсәк илаған балалар, һары нәскиҙә, шаҡмаҡлы пинжәктәге уҡытыусы,  биҙәнгән ҡыҙҙар, малайҙарҙың ҡолаҡтарында алҡалар... Уҡытыусыға нимә эшләргә һуң? Был осраҡта синыф етәксеһенә нисек эш итергә? «Түңәрәк өҫтәл»дә ҡатнашыусылар һәр береһе үҙ фекерҙәре менән бүлеште. Һөйләшеүҙән мәктәптә синыф етәксеһе генә түгел, һәр бер уҡытыусы тәрбиә менән шөғөлләнергә тейеш, тигән һығымта яһарға мөмкин.

«Түңәрәк өҫтәл» ваҡытында «Рәсәй тәрбиәселәре» Бөтә Рәсәй конкурсы еңеүселәре бүләкләнде.  Башҡортостандан ике тәрбиәсе бындай баһаға лайыҡ булды. Стәрлетамаҡтағы 51-се балалар баҡсаһынан Миләүшә Шәфиева «Фәнгә юл» номинацияһында икенсе урын яулаһа, «Балалар баҡсаһына – сәләмәт коллектив» номинацияһына ошо уҡ ҡалалағы 33-сө балалар баҡсаһынан Римма Сәйғәфәрова лайыҡ тип табылды.

Әйткәндәй, был конкурста Рәсәйҙең бөтә федераль округтарынан 14 меңдән ашыу мәктәпкәсә белем биреү педагогы көсөн һынаған.

Фото: «Башинформ».