-Мин уҡыған лицейҙа имтихандарға ныҡлы әҙерлекте йылдың икенсе яртыһында башланыҡ. Дәрестәрҙә кәрәкле темаларҙы ҡабатланыҡ, оҡшаш ғәмәлдәр систек. Апрель аҙаҡтарында үҙ аллы шөғөлләндем. Имтихандарға әҙерлек өсөн күп ваҡыт сарыф иттем, тип әйтә алмайым, сөнки был фәндәр буйынса олимпиадаларҙа йыш ҡатнаша торғайным. Ә был ысынында әҙерлекте еңеләйтте. Репетиторҙар, онлайн-мәктәптәрҙең хеҙмәтен бөтөнләй ҡулланманым.
Үҙ көсөмә ышанһам да, имтихандар алдынан тулҡынланыу булды, әлбиттә. Әммә һынау эштәре ул тиклем ауыр булманы, - тип белдергән Андрей "Башинформ" киң мәғлүмәт агентлығы хеҙмәткәрҙәренә биргән интервьюһында был хаҡта.
Фото: bashinform.ru