Айлыҡ түләүҙәр өсөн федераль ҡаҙнанан тағы 681,9 миллион һум йүнәлтелә. Хөкүмәт етәксеһе Михаил Мишустин ошондай бойороҡҡа ҡул ҡуйған.
Өҫтәмә аҡсаға үҙенең тибы буйынса дөйөм белем биреү мәғариф ойошмаһы булмаған, йәғни колледждар йәки юғары уҡыу йорттары составындағы мәктәптәрҙең синыф етәкселәре дәғүә итә. 2022 йылда федераль ҡаҙнанан ябай белем усаҡтарының синыф етәкселәре өсөн 74,9 миллиард һум ҡаралған. Документҡа ярашлы, Башҡортостан йыл һайын ошо маҡсатҡа 2,3 миллиард һумдан ашыу аҡса алырға тейеш. Шулай итеп, 2022-2024 йылдарҙа республика мәктәптәренең синыф етәкселәренә түләүҙәрҙең дөйөм күләме 6,9 миллиард һумдан ашыу буласаҡ.
Сығанаҡ: amanat
Фото:glas.ru