-6 °С
Болотло
TelegramVKOK
Бөтә яңылыҡтар
Мәғариф яңылыҡтары
31 Август 2022, 14:05

Ҡурған мәктәптәренә – дәреслектәр һәм стендтар

Яңыраҡ Башҡортостан делегацияһы — республиканың Силәбе өлкәһендәге вәкиле Әлфир Байымов, Бөтә донъя башҡорттары ҡоролтайы вәкиле Рөстәм Баянов, Мәғариф министрлығы белгесе Гөлсөм Дилмөхәмәтова Ҡурған өлкәһендә булды.

Ҡурған мәктәптәренә – дәреслектәр һәм стендтар
Ҡурған мәктәптәренә – дәреслектәр һәм стендтар

Сафакүл районы башлығы Ансар Әхмәтйәнов, Әлмән районы башлығы Алексей Снежко, Ҡурған өлкәһе башҡорттары ҡоролтайының башҡарма комитеты рәйесе Ильяс Бәҙретдинов, райондарҙың хакимиәт вәкилдәре, йәмәғәтселәр менән эш осрашыуҙары ойошторолдо. Башҡорт телен һәм әҙәбиәтен өйрәнеү, милли традицияларҙы һәм мәҙәниәтте һаҡлау буйынса саралар ойоштороу мәсьәләләре тикшерелде.

Делегация урындағы белем биреү һәм йәмәғәт ойошмаларына уҡыу әсбаптары, биҙәү өсөн стендтар, милли кейемдәр тапшырҙы.

«Ҡурған өлкәһенең башҡорт йәмәғәтселеге вәкилдәре менән даими бәйләнештәбеҙ. Бында ун дүрт меңгә яҡын башҡорт бергә тупланып йәшәй, шуға күрә милли ҡиммәттәрҙе һәм телде һаҡлау буйынса башланғыстарҙы яҡлау көнүҙәк. 2023 йылда мәҙәни сара ойоштороу, шулай уҡ күренекле башҡорт зыялылары Ғәлимйән Тағандың һәм Шәриф Манатовтың хәтерен мәңгеләштереү мәсьәләһен төрлө яҡлап өйрәнергә һөйләшеп килештек», — тине Әлфир Байымов.

Сығанаҡ һәм фото: bashinform.ru

Ҡурған мәктәптәренә – дәреслектәр һәм стендтар
Ҡурған мәктәптәренә – дәреслектәр һәм стендтар
Ҡурған мәктәптәренә – дәреслектәр һәм стендтар
Ҡурған мәктәптәренә – дәреслектәр һәм стендтар
Автор:Юлиә Кирәева
Читайте нас в