+1 °С
Болотло
TelegramVKOK
Бөтә яңылыҡтар
Милли проекттар
15 Октябрь 2021, 14:28

Уҡыусыларға һөнәр һайларға ярҙам итәсәк

«Киләсәккә билет» федераль проектына ярашлы, бөтә республика буйынса һигеҙ меңдән ашыу мәктәп уҡыусыһы «Һөнәрҙәр лабораторияһы»нда һөнәр һайлау тестарын үтәсәк. Бөгөндән, 15 октябрҙән, башлап «Рәсәй – минең тарихым» тарихи парктарында «Киләсәк лабораторияһы» тигән квест мультимедия күргәҙмәһе асыла. Барлыҡ сараларҙа ла санитар-эпидемиологик нормалар үтәлеше күҙәтеүҙә тотола.  

Уҡыусыларға һөнәр һайларға ярҙам итәсәк
Уҡыусыларға һөнәр һайларға ярҙам итәсәк

План буйынса, йыл аҙағына тиклем «Киләсәккә билет» проектында Рәсәйҙең 300 меңдән ашыу уҡыусыһы һәм 5 меңдән ашыу педагог-новаторҙары ҡатнашасаҡ. Хәтерегеҙгә төшөрәбеҙ, Рәсәйҙең Мәғариф министрлығының проекты «Мәғариф» милли проектына ярашлы ғәмәлгә ашырыла.

– Был проект бигерәк тә үҙенсәлекле, сөнки мәктәп уҡыусылары һөнәри юлын билдәләр өсөн һөнәри йүнәлеш биреү диагностикаһын үтә ала, ошо өлкәлә үҙен һынап ҡарай ала. Рәсәй - бындай проекттарҙы үткәрә алыусы бик күп булмаған илдәрҙең береһе, – тип эштең мөһимлеген белдерҙе Гуманитар проекттар фондының идара итеү директоры Иван Есин.

«Киләсәк лабораторияһы» күргәҙмәһе мауыҡтырғыс интерактив квестарҙан тора. Уны үткән һәр кеше 30-ҙан ашыу һөнәри тармаҡ һәм 300-ҙән ашыу һөнәр менән таныша ала. Шулай итеп, уҡыусы үҙенең киләсәк һөнәрен күҙаллай. Күргәҙмә VI – XI синыф уҡыусыларын 30 ноябргә тиклем ҡабул итәсәк.

 

 

Фото: https://vk.com/kulturarb.

 

Автор:Гөлназ Шәйхетдинова
Читайте нас: