"Белем" мәғариф фестивале үтәсәк

Фестиваль Башҡортостан Республикаһының Мәғариф һәм фән министрлығы тарафынан республиканың инновацион мәктәптәрен сит өлкәлә йәшәүсе милләттәштәребеҙгә танытыу маҡсатында ойошторола.Унда Рәми Ғарипов исемендәге 1-се  республика башҡорт интернат-гимназияһы, иҡтисад лицей-интернаты, Ғәзиз Әлмөхәмәтов исемендәге республика интернат-гимназияһы һәм Сибай интернат-гимназияһы ҡатнаша.

 Фестиваль сиктәрендә балалар өсөн ҡурайҙа уйнау, милли биҙәүестәр эшләү, нейрофизиология, ракета төҙөү буйынса оҫталыҡ дәрестәре үтәсәк, квест-марафон, мауыҡтырғыс, мәғлүмәтле танып белеү майҙансыҡтары эшләйәсәк. Ҡатнашыусылар араһында ҡиммәтле бүләктәр ҙә уйнатыласаҡ.

Иҫегеҙгә төшөрәбеҙ: беренсе  «Белем» төбәк-ара мәғариф фестивале быйыл 20 августа Силәбе өлкәһенең Арғаяш, унан һуң 4-нән 22 октябргә тиклем «Бәйләнештә» социаль селтәрендә онлайн форматта үткәрелде. Унда илебеҙҙең төрлө төбәктәренән 600 бала ҡатнашты.

Фото: https://vk.com/belem2021?z=photo