+29 °С
Ясна
Бөтә яңылыҡтар
"Минең өс айым"
25 Июнь 2021, 13:26
Беҙҙә еләк беште!
Бына йәйге каникулдың тәүге айы гөрләп уҙып та бара.
Ваҡыт бик тиҙ елдерә. Йәй үҙенең ҡояшлы, эҫе көндәре, шулай уҡ ямғыры менән дә һөйөндөрөп тора. Каникулымдың тәүге айын күберәк Кәлсер ауылындағы Рәүзиә өләсәйем янында уҙғарҙым. Уның менән ныҡ рәхәт! Мине көн дә тәмле-тәмле ҡоймаҡ, бәлештәр менән һыйлай. Үҙем дә ҡулдан килгәнсә өләсәйемә ярҙам итергә тырышам. Иҙән йыуыу, һепереү, өйгә һыу индереү, тауыҡ-себештәр, ҡуяндар ҡарау минең өҫтә.
Эш араһында Стәрлетамаҡ ҡалаһына Гагарин исемендәге паркка барып ял итеп ҡайтырға ла өлгөрҙөм. Күңелле булды, бигерәк тә батутта һикереү оҡшаны. Йәй көнө ҡалала бер нисә көн генә рәхәт икән. Ауылды һағына башлағас, өләсәй янына ҡайтырға ашыҡтыҡ.
Туғайҙарҙа хуш еҫле еләктәр бешә башланы. Күмәкләшеп йыйырға барҙыҡ. Бигерәк йәмле шул беҙҙең яҡтар! Бал ҡорттарының безелдәгәнен, төрлө-төрлө күбәләктәрҙең елпенеп осҡанын, ҡоштар һайрауын тыңлап, әсәйем менән бер күнәк еләк йыйҙыҡ. Беҙҙең ҡайтыуҙы өләсәйем тәмле сәйҙәрен ҡайнатып, ҡоймағын бешереп көтөп торған. И-и-и, бигерәк яратам шул өләсәйемде, һау ғына булһын инде.
Тағы иҫтәлекле, мажаралы көндәрем булыр әле. Был турала һеҙгә хәбәр итермен. Иң мөһиме, матур үтһен йәйге каникулыбыҙ. Туйғансы уйнап, рәхәтләнеп ял итеп ҡалайыҡ, дуҫтар.
Ләйсән ХӘЛИТОВА, III синыф уҡыусыһы.
Ауырғазы районы, Талбазы башҡорт гимназияһы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж