+16 °С
Болотло
TelegramVKOK
Бөтә яңылыҡтар
"Минең өс айым"
20 Июль 2021, 10:00

Бәрәстәр миңә эйәреп йөрөй

Йәйге каникулым башланыу менән ауылдағы өләсәйемдәргә ашҡынам. Унда апай-ағайҙарым менән рәхәтләнеп уйнайбыҙ, һыу инәбеҙ, ҡояшта ҡыҙынабыҙ. Кис баҡсаға һыу һибәбеҙ, ҡый утайбыҙ. Тағы ла балыҡ ҡармаҡларға ла йөрөргә яратабыҙ. Бушыраҡ ваҡытта китап та уҡыйбыҙ. Ауылда саф һауала йоҡобоҙ туйғансы йоҡлайбыҙ. Өләсәйем әйтмешләй, яҡшы йоҡо – үҙе бер дауа бит.

Бәрәстәр миңә эйәреп йөрөй
Бәрәстәр миңә эйәреп йөрөй

 Ә шулай ҙа минең өсөн иң ҡыҙыҡ шөғөл – өләсәйемә һарыҡ бәрәстәрен ҡарашыу! Улар миңә тиҙ арала эйәләшеп алды. Хатта инәләрен онотоп, артымдан эйәреп йөрөй башланылар. Эй, ҡыҙыҡ! Өләсәйем менән олатайым шаяртып: «Ҡыҙым, был бәрәстәрҙе үҙең менән мәктәпкә эйәртеп алып барырһың инде», – тиҙәр.

Яратам мин йәйҙе. Туйғансы уйнап, рәхәтләнеп ял итеп ҡалам.

Розалиә КИРИЛОВА.

Туймазы районы, Серафимовка ауылы.

Автор:Дилара Арсаева
Читайте нас: