+13 °С
Болотло
TelegramVKOK
Бөтә яңылыҡтар

Мин дә ҡурай тартам

Быйыл беҙҙең клубта ҡурай түңәрәге эшләй башланы. Уны Ыласын Зиннәт улы Мәғәфүров алып бара. Етәксебеҙ Әбйәлил районы Үтәгән ауылынан килеп, ҡурай серҙәренә төшөндөрә.

Мин дә ҡурай тартам
Мин дә ҡурай тартам

Түңәрәккә беҙ 13-ләгән малай йөрөйбөҙ. Ағайыбыҙ башта ҡурайҙы нисек тоторға, бармаҡтарҙы дөрөҫ ҡуйып, һыҙғыртыр­ға, унан ноталар буйынса уйнарға өйрәтте. Тәүҙә еңелерәк, дәртлерәк бул­ған «Любизар», «Ҡарабай» көй­ҙәрен үҙләштерҙек. Инде хәҙер «Ялан сәскәләре», «Катюша», «Йәнғәле» исемле көйҙәрҙе лә уйнай беләбеҙ.
Миңә ете йәш булған саҡта музыка ҡоралдарында уйнарға хыяллана торғайным. Уйым тормошҡа ашты. Ҡурай түңәрәгенә йөрөүемә шатмын. Өйрәнгән көйҙәрҙе өйҙә атайым менән бергәләп уйнайбыҙ.
Уҡытыусыбыҙға һаулыҡ теләйбеҙ. Артабан да түңәрәгебеҙҙең эше йәнле барһын, тигән теләктә ҡалам.


Рузил ҒӘЛИУЛЛИН, VIII синыф уҡыусыһы.
Белорет районы, Шығай мәктәбе.

Автор:"Йәншишмә" гәзите
Читайте нас: