Был көндәргә ярашлы, Кәтибә Кинйәбулатованың тормошо һәм ижадына арнап башҡорт теле һәм әҙәбиәте уҡытыусылары араһында конкурс, тыуған яҡтың тарихына, Силәбе һәм Ҡурған өлкәләрендә тыуған башҡорт халҡының күренекле шәхестәренә бағышлап был яҡтарҙағы белем биреү учреждениеларында уҡыусылар араһында фәнни-ғәмәли конференция, йәш шағирҙар, Кәтибә Кинйәбулатованың әҫәрҙәрен һөйләүселәр бәйгеләре үткәрелде. Был барлыҡ конкурстарҙа Силәбе һәм Ҡурған өлкәләренең 55 белем биреү ойошмаһынан 179 кеше ҡатнашты. Еңеүселәр һәм призёрҙар ҡиммәтле бүләктәр, мәғариф һәм фән министрлығының дипломдары менән бүләкләнде.
Әйткәндәй, был саралар «Республика һәм Башҡортостан халыҡтары телдәрен һаҡлау һәм үҫтереү» дәүләт программаһына ярашлы тормошҡа ашырыла.