-2 °С
Болотло
TelegramVKOK
Бөтә яңылыҡтар

Фатима Мостафина исемендәге уҡыу кабинеты асылды

Һамар өлкәһенең Оло Чернигов районы Ырғыҙ ҡасабаһында дәүләт һәм йәмәғәт эшмәкәре, 1955 – 1971 йылдарҙа БАССР-ҙың мәғариф министры булған Фатима Мостафина иҫтәлегенә бағышланған саралар ойошторолдо.  Унда «Фатима Мостафина уҡыуҙары» төбәк-ара фәнни-ғәмәли конференцияға йомғаҡ яһалды, өс яҡлы «Ҡәрҙәш мәктәптәр» килешеүенә ҡул ҡуйылып, Фатима Мостафина исемендәге уҡыу кабинеты ла асылды.

Фатима Мостафина исемендәге уҡыу кабинеты асылды
Фатима Мостафина исемендәге уҡыу кабинеты асылды


Был сараларҙа Мәғариф һәм фән министрлығы делегацияһы составында Милли мәғариф идаралығы төп белгес-эксперты Гөлсөм Дилмөхәмәтова, В.И. Ленин исемендәге 2-се Стәрлетамаҡ  интернат-лицейы директоры Илшат Ҡәйепҡолов, Фатима Мостафина исемендәге 20-се Өфө ҡала башҡорт гимназияһы директоры Булат Зинуров ҡатнашты.

Әйткәндәй, Фатима Хәмит ҡыҙы мәғариф министры булып эшләгән осорҙа 60-70 йылдарҙағы мәктәп реформалары башында торған. Ул республикабыҙ мәнфәғәтендәге күп йыллыҡ хеҙмәте өсөн бихисап наградаларға лайыҡ була, шул иҫәптән Ленин ордены, ике тапҡыр Хеҙмәт Ҡыҙыл Байраҡ ордены менән бүләкләнә. Әле баш ҡалабыҙҙағы 20-се башҡорт гимназияһы 1999 йылдан алып Фатима Мостафина исемен йөрөтә.

 

 

 

Фото: https://vk.com/kurultaibashkir.

Автор:Гөлназ Шәйхетдинова
Читайте нас: