+1 °С
Болотло
TelegramVKOK
Бөтә яңылыҡтар
Тәбиғәт мөйөшө
6 Ноябрь 2021, 09:00

Алтын көҙ батшалығында

Ҡалабыҙҙағы балҡып, тирә-яҡҡа йәм биреп ултырған «Әкиәт» балалар баҡсаһында алтын көҙ тантана итә. Ишек алдында теҙелешеп киткән алтын күлдәкле аҡ ҡайындар, ялҡындай янған һылыу миләшкәйҙәр генә түгел, ә мәктәпкәсә белем биреү учреждениеһының эсе лә алтынға сумған төҫлө! Бар тәҙрәләр ҙә ошо миҙгелде сағылдырыусы төрлө биҙәүестәр, матур-матур япраҡтар, тәбиғәт бүләктәре менән байрамса биҙәлгән.

Алтын көҙ батшалығында
Алтын көҙ батшалығында

Бында бөгөн дә «Алтын көҙ» байрамы бит! Һәр төркөмдә Көҙһылыу апай биргән уңыштарҙан ғына әҙерләнгән, төрлө-төрлө емеш-йәшелсәләрҙән яһалған күргәҙмәләр теҙелеп киткән. Ҡараһаң, күҙҙәр ҡамаша!
Беҙҙең «Ҡурай», «Ынйыҡай» төркөмө тәрбиәләнеүселәре лә байрамдан ситтә ҡалманы. Кем уҙар­ҙан ярышып, үҙ оҫталыҡтарын күрһәтеп ҡалырға тырыштылар. Бигерәк тә Амелия Абдрахманова, Илназ Кәримов, Каролина Латипова, Әминә Сәйетова, Ләйлә Дилмөхәмәтова, Айнур Үҙәнбаев, Эльдар Хәбибуллин, Динислам Хәсәновтарҙың яһаған әйберҙәре үҙенсәлекле һәм матур ине.
Инде бер ай дауамында ысын мәғәнәһендә алтын көҙ батшалығында йәшәгәндәй булдыҡ. Беҙгә бик күңелле һәм рәхәт!

Гүзәлиә ДӘҮЛӘТБИРҘИНА,
«Әкиәт» балалар баҡсаһы тәрбиәсеһе.
Сибай ҡалаһы.

Алтын көҙ батшалығында
Алтын көҙ батшалығында
Автор:"Йәншишмә" гәзите
Читайте нас: