Һуңғы осорҙа күптәр яһалма шыршыға өҫтөнлөк бирә, хуш еҫе сыҡҡан ҡупшыҡайҙы һатып алыусылар ҙа юҡ түгел. Ә ул оҙаҡ һаҡланһын өсөн нимә эшләргә һуң? Урман шыршыҡайы бер аҙна үтер-үтмәҫ энәләрен ҡоя башлай бит. Баҡһаң, уны ҡуйыр алдынан бер аҙ тоҙ, шәкәр, бер-ике аспирин төймәһе һалынған һыулы биҙрәгә ултыртырға кәрәк икән. Шулай уҡ ҡупшыҡайҙы глицерин иҙмәһендә тотоп алыу ҙа һәйбәт. Ҡырҡылған урынына иретелгән парафин ҡойорға ла кәңәш итәләр. Оҙағыраҡ торһон тиһәгеҙ, олонон бер аҙ урталай ҡырҡып, һыулы йөн сепрәк тығып ҡуйырға була. Уны сылатып торорға ла онотмағыҙ.