Ирхан һеңлеһен башҡортса өйрәтә

Быйыл Анжелика мәктәпкә барасаҡ. Ҡыҙыҡай күптән әҙер инде. Уның белмәгән нәмәһе юҡ, хәрефтәрҙе өйрәнгән, уҡый ҙа белә. Төрлө башватҡыс­тарҙы «һә» тигәнсе сисеп тә ҡуя. Етмәһә, инглиз телен өйрәнергә лә тотонған. Шуға ла Ирхан унан был сит телде белеп, ҡайһы бер һүҙҙәрҙе отоп ҡалырға тырыша ла инде. Ә бер көн уларҙың телефон ярҙамында бик мауығып башҡортса-инглизсә өйрәнеп ултырыуҙарын фотоға төшөрә һалып алдым. Һеңлеһенең килештереп уҡы­тыусы кеүек һөйләүе һоҡландыр­ҙы. Ә Ирхандың уны тыңлап, һүҙҙәрҙе ҡабатлап ултырыуын әйт әле?! Икеһе лә ихлас тырыша ине.
Ирхан Таһиров Баймаҡ районының Аҡтау ауылында йәшәй. Ул III синыфта уҡый.
– Дуҫым Айгиз «бишле» билдәләре генә ала. Мин дә тырышасаҡмын, сиреккә сыҡҡан бер «өслө»мдө бөтөрөргә теләйем, – ти Ирхан.
Ҡалай маладис! Тырышһаң, һин булдыраһың ул!
Бына шулай Ирхандың каникулы бик файҙалы үтте. Өлгөр малай – инглиз телен, ә һеңлеһе башҡортса өйрәнде. Ял көндәре аҙағында барыһын һоҡландырып, Анжелика ла: «Һау булығыҙ!» – тип ҡайтырға юлланды. Шуныһына ла ҡыуанды Ирхан.

З. ИҪӘНДӘҮЛӘТОВА.