+1 °С
Ҡар
TelegramVKOK
Бөтә яңылыҡтар
Йәйге ял
1 Август 2021, 09:00

Ялы ла, эше лә бергә

Һеҙ һүрәттә рәхәтләнеп йөҙөп, ҡояшта ҡыҙынып ял итеүсе Аделина Абдуллинаны күрәһегеҙ. Ул Арҡауыл мәктәбенең III cиныфына уҡырға барасаҡ. Көндәлегендә – гел «бишле»ләр генә. Буш ваҡытында бейеү, һүрәт төшөрөү түңәрәктәрендә ихлас шөғөлләнә.

Ялы ла, эше лә бергә
Ялы ла, эше лә бергә

Әле йәйге ялында Комсомол ауылында йәшәгән туғандарына ҡунаҡҡа килгән. Ағайҙары менән таҙа һыулы Йүрүҙәндә һыу инәләр, балыҡ ҡармаҡлайҙар. Өлгөр ҡыҙ әсәһе яғынан бер туған апаһының 1 йәше лә тулмаған бәләкәй һеңлеһен дә ҡараша. Өй эштәрендә ярҙамлаша.

Шулай уҡ Аделина үҙе йәшәгән ауылындағы һәм Сулпандағы өләсәйҙәренә барып, булған эштәрен башҡарып ҡайта. Баҡсалағы бешкән еләк-емеште йыя, сүп утай, сәскәләргә һыу ҡоя. Өйҙәге ҡош-ҡортҡа ем һала. Кискеһен бәрәстәрҙе теүәлләй.

Бына шулай күңелле лә, файҙалы ла үтә Аделинаның йәйге ялы. Ә һеҙҙеке нисек уҙа, дуҫтар?

Зөһрә ХӘКИМОВА.

Салауат районы.

Автор:Дилара Арсаева
Читайте нас: