Башҡортостандың халыҡ, Рәсәйҙең атҡаҙанған артисы Олег Хановҡа – 70 йәш

Олег Закир улы Ханов Архангел районының Ҡыҙғы ауылында актёр ғаиләһендә (атаһы – Башҡорт АССР-ының халыҡ артисы Закирйән Ханов) донъяға килә. 1973 йылда Өфө дәүләт сәнғәт институтын тамамлағас, Мәжит Ғафури исемендәге Башҡорт дәүләт академия драма театрында эш башлай. Мостай Кәримдең «Айгөл иле»ндә – Ричард Галин, «Яҙмыштарҙан уҙмыш бар» спектаклендә – Кендек, А. Вампиловтың «Өлкән улым» пьесаһында – Сарафанов, Ф. Бүләковтың «Бибинур, ах, Бибинур!» пьесаһында Абдрахман ролдәре менән халыҡ һөйөүен яулай. Шулай уҡ театрҙың репертуарындағы «Һөйәһеңме-һөймәйһеңме» трагикомедияһында – Ҡарт, «Гөлбостан» спектаклендә – Күсәрбай, «Ҡыҙ урлау» комедияһында Әжмәғол ролдәрен башҡара.

Республика театрҙарында режиссер булараҡ 20-нән ашыу спектакль ҡуйған, сәхнәлә 70-кә яҡын роль башҡарған Олег Закир улы бик күп хөкүмәт наградаларына һәм театр премияларына лайыҡ була.

Фото: https://ru.wikipedia.org/wiki/%D0%A5%D0%B0%D0%BD%D0%BE%D0%B2,_%D0%9E%D0%BB%D0%B5%D0%B3_%D0%97%D0%B0%D0%BA%D0%B8%D1%80%D0%BE%D0%B2%D0%B8%D1%87.