+12 °С
Болотло
Бөтә яңылыҡтар
Һөнәре барҙың – ҡәҙере бар
9 Февраль 2018, 18:23
Байрамға селтәр тағып барабыҙ
Мин мәктәптә төрлө түңәрәктәргә йөрөргә яратам. Улар араһынан күңелгә иң яҡыны – «Оҫта ҡулдар». Тиҫтерҙәрем дә оҡшата.
Ҡыҙҙар конкурстарҙа ошо эштәре менән ҡатнашҡан.
Мин мәктәптә төрлө түңәрәктәргә йөрөргә яратам. Улар араһынан күңелгә иң яҡыны – «Оҫта ҡулдар». Тиҫтерҙәрем дә оҡшата.
Өсөнсө йыл инде беҙҙә Йәш натуралистар станцияһының «Уйлап сығарыусылар» түңәрәге эшләй. Уны Римма Рәфит ҡыҙы Тайбугина ойошторҙо. Тәүге дәрестәрҙә энә, ҡайсы, ырғаҡтар ҡулланырға өйрәндек. Төрлө материалдарҙан сәскәләр, картиналар, китаптар, телефонға ҡап эшләнек. Һуңғы дәрестәрҙә башҡорт милли кейеменең атрибуты булған селтәрҙәр, алҡалар яһарға өйрәндек. Был түңәрәккә ауылдың ҡатын-ҡыҙҙары ла бик теләп йөрөй.
Беҙҙе оҫталыҡҡа өйрәткән Римма Рәфит ҡыҙына ҙур рәхмәт. Былтыр ғәҙәти булмаған ҡул эштәре (флористика, топиарий, фоамирандан сәскәләр) менән төрлө конкурстарҙа ҡатнашып, призлы урындар алдыҡ.
Ә быйыл башҡорт халҡының милли биҙәүестәрен эшләү серҙәренә төшөндөк. Етәксебеҙ Римма Рәфит ҡыҙы Тайбугина, башҡорт теле һәм әҙәбиәте уҡытыусыһы булараҡ, милли кейем тарихы менән дә таныштырҙы. Стилләштерелгән түшелдеректәрҙе эшләүе ҡыйын булманы, ә киреһенсә, мауыҡтырғыс ҡул эше төрө булып сыҡты.
Яңыраҡ мәктәбебеҙҙә «Селтәр» байрамы үтте. Был сарала үҙебеҙ әҙерләгән әйберҙәрҙе тағып, дефиле күрһәттек. Килгән ҡунаҡтар яһаған эштәрҙе күреп хайран ҡалһа, беҙ иһә үҙебеҙҙе ысын башҡорт һылыуҙары һымаҡ хис итеп, ғорурландыҡ. Халҡыбыҙҙың тарихын мәңгелләштереүҙә ҡатнашыуыбыҙға шатландыҡ та.
Түңәрәктең иң әүҙем ағзалары – Мәҙинә Тайбугина, Нурания Кейекбирҙина, Илзирә Ишбаева, Гөлзимә Тулыбаева, Наҙгөл Оморҙаҡова, Зәлифә һәм Сәриә Иҫәндәүләтовалар, Лиана Ғөбәйҙуллина. Уҡытыусыларыбыҙ ҙа ҡыҙығып китеп, үҙҙәренә түшелдеректәр тегеп алды. Ә ауылыбыҙҙың инәйҙәре беҙгә оҫталыҡ дәресе күрһәтте. Хәҙер селтәрҙәрҙе байрамдарға ла тағып килә башланыҡ.
Нурзидә ЮНЫСОВА, V синыф уҡыусыһы.
Баймаҡ районы, Ишбирҙе мәктәбе.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89170477422.
Электрон почта
Адресы
450079, г. Уфа, ул. 50 летия Октября, 13, 8-й этаж