+12 °С
Ямғыр
Бөтә яңылыҡтар
Һөнәре барҙың – ҡәҙере бар
13 Июль 2018, 17:07
Күңелдәрҙә оҙаҡ һаҡланыр
Йәйге каникул – һәр бер бала өсөн көтөп алынған файҙалы һәм күңелле ваҡыт. Ҡыҙҙар һәм малайҙар ял итеп кенә ҡалмай, һаулыҡтарын нығыта, киләһе уҡыу йылына көс йыя, үҙҙәренең ижади, лидерлыҡ һәләттәрен аса.
Йәйге каникул – һәр бер бала өсөн көтөп алынған файҙалы һәм күңелле ваҡыт. Ҡыҙҙар һәм малайҙар ял итеп кенә ҡалмай, һаулыҡтарын нығыта, киләһе уҡыу йылына көс йыя, үҙҙәренең ижади, лидерлыҡ һәләттәрен аса. Бының өсөн районда йыл һайын эшләп килгән «Йәйләү» йүнәлешле лагеры ярҙам итә. Унда ял итеүселәр башҡорт халҡының тарихы, мәҙәниәте, йолалары менән дә таныша, музыка ҡоралдарында уйнарға өйрәнә, боронғо шифалы ризыҡтарҙы әҙерләү серҙәренә лә төшөнә. Халҡыбыҙҙың төрлө билдәле шәхестәре, сәнғәт әһелдәре менән осрашыуҙар ҙа онотолмаҫ тәьҫораттар ҡалдыра.
Быйылғы «Йәйләү» йүнәлешле лагеры хозур тәбиғәтле Әбеш ауылының интернат-мәктәбендә урынлашты. Унда районыбыҙҙың төрлө мәктәптәренән һәләтле балалар йыйылғайны. Улар – уҡыу алдынғылары, башҡорт теле һәм әҙәбиәте буйынса район, республика олимпиадалары еңеүселәре, фәнни-ғәмәли конференцияла ҡатнашыусылар, төрлө ижади конкурс призёрҙары.
Районыбыҙҙың алдынғы уҡытыусылары килеп, башҡорт теле һәм әҙәбиәтенән оҫталыҡ дәрестәре лә үткәрҙе, журналистика серҙәренә лә өйрәтте. Бында Ғаилә йылына арналған төрлө саралар, лекциялар, презентациялар, матбуғат конференциялары ла уҙғарылды, ауылдың өлгөлө ғаиләләре менән осрашыуҙар ҙа онотолмаҫлыҡ хәтирәләр ҡалдырҙы.
Беҙ башҡорт халҡының милли аш-һыуы менән танышыу маҡсатында ҡорот яһау серҙәрен өйрәнергә лә барҙыҡ. Миңә тәмле сейәлеһе бигерәк тә оҡшаны, рецептарын да яҙып алдым. Шулай уҡ Рәсимә Камил ҡыҙы Ибраһимова беҙҙе ҡумыҙҙа уйнарға өйрәтте һәм селтәр эшләү алымдары менән таныштырҙы. Вәзәм ауылы инәйҙәре менән бергәләп балаҫ һуғырға өйрәндек.
Лагерҙа Ырымбур өлкәһенән дә уҡыусылар булды. Улар менән яҡындан танышып алдым, артабан да дуҫлығыбыҙ дауам итер, тип ышанам.
Минең өсөн иң ҡыҙыҡлыһы тәрбиәселәрҙе эҙләү булды. Бәй, төшкө аштан килһәк, улар юҡ?! Ике отрядҡа бүленеп, үҙҙәрен эҙләй башланыҡ. Бер сәғәттән ашыу ваҡыттан һуң саҡ табып алдыҡ. Бер тәрбиәсебеҙ башына яулыҡ ябынып, халат кейеп, баҡсала картуф утап йөрөгән. Ә беҙ уның эргәһенән әллә нисә тапҡыр үтеп киттек бит. Икенсе тәрбиәсебеҙ ирҙәр кейемен кейеп, һыу буйында балыҡ ҡармаҡлап ултырған. Ә Гөлшат апайыбыҙ ауыл малайҙарына ҡушылып, велосипедта елдереп йөрөп ята. Эй, мәрәкә булды инде!
Беҙ хозур тәбиғәттә рәхәтләнеп ял иттек, белемдәребеҙҙе лә арттырҙыҡ, күберәк саф һауала йөрөнөк, төрлө халыҡ уйындары уйнаныҡ. Лагерҙа бер минутыбыҙ ҙа бушҡа үтмәне, өҫтәмә белем алырға ла, төрлө конкурстарҙа һәм осрашыуҙарҙа ҡатнашырға ла өлгөрҙөк.
«Йәйләү»ҙә ял иткән мәлебеҙ күңелдәребеҙҙә бик оҙаҡ һаҡланыр әле.
Нәркәс МӨХӘМӘТОВА.
Хәйбулла районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж