Оҫта ҡуллы балаларҙың үҙҙәре менән дә танышмайынса булдыра алманыҡ. Алтынсыла уҡыған Ләйсән Мәхмүтова, мәҫәлән, икенсе синыфтан сигеү сигә башлаған. Буш ваҡыты булдымы, яратҡан шөғөлөнә тотона. Әсәһе канваның ниндәй генә һүрәтлеһен алып бирмәй?! Мәрйен, төҫлө мулине менән сигә торғандары ла бар. Өйҙә ҡул эштәре әллә күпме йыйылып киткән. Сигеүҙәре бигерәк матур! Ана, канваға сиккән «Эләгерһең әле!» йәнһүрәтенән бүреһе, раузалары, сәскә тотоп тороусы айыуы нисек матур! Ләйсән бишенсе синыфта ырғаҡ менән схема буйынса Етенсенән Гөлнәзирә Вәхитова ла ҡул эшенә шәп. Үҙенә биҙәнгес һауыты кәрәк булғас, һис уйлап тормай, теккән дә алған. Тышын биҙәктәр менән матурлағас, магазиндыҡынан кәм килеп сыҡмаған.
Һүрәттәге ояла ултырған себеше һеҙгә нисек, оҡшаймы? Ысын һымаҡ күренә, эйеме? Ҡыҙ уның эсен тоҙло ҡамырҙан эшләп, тышына еп ураған. Ә бер ҡурсаҡты бәләкәйерәк сағында апаһы менән бергәләп теккәндәр.
Һай, оҫта ла инде ҡыҙҙар! Уларҙың шулай төрлө ҡул эштәренә өйрәнеп үҫеүҙәре һәйбәт, киләсәктә файҙаһы тейәсәк бит.