-6 °С
Болотло
Бөтә яңылыҡтар
Һөнәре барҙың – ҡәҙере бар
11 Май 2019, 06:22
«Батырҙар иле» танылыу яулай
«Батырҙар иле» быйыл икенсе тапҡыр республика асыҡ конкурсы булараҡ үтте. Барлыҡ ижади эштәрҙең нигеҙендә башҡорт халҡының «Урал батыр» эпосы тора. Бәйгенең төп маҡсаты – башҡорт халҡының ғөрөф-ғәҙәттәрен, йолаларын тергеҙеү һәм һаҡлау, «Урал батыр» эпосын киңерәк майҙанға алып сығыу, балаларҙа илһөйәрлек тойғоһо тәрбиәләү, уларҙың ижади һәләттәрен асыу һәм үҫтереү.
Конкурс, Сибай ҡалаһының һынлы сәнғәт мәктәбендә белем алған балаларҙың ижади күргәҙмәһе булараҡ, 2007 йылда тәүҙә ҡала кимәлендә үткәрелә. Ике йылдан төбәк-ара кимәлгә күтәрелә, 2017 йылдан ул республикала киң танылыу таба.
Уҡыу йорто директоры Флорида Ҡәҙерғолова әйтеүенсә, быйылғы бәйге Башҡортостандың 100 йыллығына арналған. Конкурсҡа республикабыҙҙың 17 ҡалаһынан һәм 19 районынан барлығы 638 эш килгән. Уларҙы абруйлы баһалама ағзалары баһаланы. Эштәрҙең авторҙары еңеүселәрҙе билдәләгәндән һуң ғына асыҡланды.
Ҡул оҫталарының күргәҙмәһе барыһын да һоҡландырҙы. Барлыҡ экспонаттар ҙа халҡыбыҙҙың үткәнен, уның сал тарихын сағылдырыуы менән әһәмиәтле. Уҡыусылар төрлө образдарҙы үҙҙәренсә һынландырған. Күргәҙмә залында акварель, гуашь, майлы буяуҙар, заманса компьютер графикаһы ҡулланып эшләнгән һүрәттәрҙе лә, батик, мозаика, сангина, кейеҙгә биҙәк баҫыу ысулы менән башҡарылған эштәрҙе лә, балсыҡтан һәм пластилиндан скульптуралар, ағастан һырланған һындарҙы ла, төрлө әйберҙән яһалған башҡорт ҡурсаҡтарын да, кейемдәрҙе лә күрергә мөмкин ине.
Киләсәк быуындың һынлы сәнғәтте үҙ итеүе ныҡ ҡыуандырҙы. Алдан әйтеүебеҙсә, башҡа йылдарҙан айырмалы, «Дизайн һәм кейем моделдәрен әҙерләү» номинацияһы буйынса ижад өлгөләре ҡабул ителде. Күргәҙмәлә йәш моделдәр үҙҙәре теккән кейемдәрен күрһәтте. Сибай төҙөлөш һәм сервис колледжы уҡыусылары үҙҙәренең етәкселәре Дилә Рәхмәтуллина һәм Зөлфиә Биктина менән «Урал батыр» эпосы мотивтарына ярашлы бер нисә кейем өлгөһө менән майҙанға сыҡты. Сибай сәнғәт колледжынан Гөлсирә Дәүләтсурина етәксеһе Резида Хисаметдинова менән бергә әҙерләгән «Һомай ҡош» костюмы барыһын да хайран итте.
– Ағас эшенә һөйөү бала саҡтан килә. Баймаҡ районының Таулыҡай ауылында йәшәгән олатайым Рауил Сәлихов ағас эшенә маһир, оҫта ҡуллы. Йәноҙаҡ Ҡылысов ағай етәкләгән түңәрәккә йөрөп, белемемде камиллаштырҙым, ағас эшенең серҙәренә төшөндөм. Егет кешегә етмеш төрлө һөнәр ҙә әҙ, тиҙәр бит. Был шөғөлөм киләсәктә лә кәрәгер әле, – ти Динир.
«Батырҙар иле» оҫталарҙы барлап, уларҙы ҡанатландырҙы, күңелдәрен үҫтерҙе. Бөгөн йәш быуын ололарҙың кәсеп-шөғөлдәрен үҙләштерә, үҙ һүрәттәрендә халҡыбыҙҙың тарихын сағылдыра икән, тимәк, быуындар бәйләнеше, күсәгилешлек һаҡланып ҡаласаҡ. Тап уларҙың эштәрендә халҡыбыҙҙың зауығы, донъяға ҡарашы, холоҡ-фиғиле, ғөрөф-ғәҙәттәре, иң мөһиме, Урал батырҙың мәңгелек образы һынлана.
Кәримә УСМАНОВА.
Сибай ҡалаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж