+12 °С
Ямғыр
Бөтә яңылыҡтар
Һөнәре барҙың – ҡәҙере бар
19 Июль 2019, 14:02
Әнүрҙең тылсымлы ташы бар
Бәләкәй генә булһа ла, бик ҡыҙыҡһыныусан, күпте белергә ынтылған малай ул Әнүр Дәүләтшин. Атаһы Шахтау эзбизташ карьерында эшләгәндә тапҡан ғәҙәти булмаған ташты өйрәнеп, ғилми хеҙмәт тә яҙған.
– Таш көл төҫөндә, эсендә моллюск эҙҙәре лә бар ине. Ә әсәйемә ни эшләптер улар күренмәне. Ҡулыма алған һайын, был таш нисектер серле һымаҡ тойола башланы. Ниндәйҙер мөһим ваҡиғаларҙа ярҙам иткән дә кеүек. Йөҙөү буйынса ярыш йәки математиканан контроль эш булыр алдынан ташҡа тейеп, күҙемде йомам да тылсымлы моллюскынан ярҙам итеүен һорайым. Ысынлап та, яҡшы һөҙөмтә менән ҡайтам. Шуныһы ҡыҙыҡ: үҙенсәлекле табышҡа тейгән һайын тейге килеп кенә тора, – ти Стәрлетамаҡтағы 11-се мәктәптең II синыфын тамамлаған малай.
Ҡыҙыҡһынып, китаптарҙан эҙләнә торғас, таштың 300 миллион йыл элек Пермь диңгеҙе төбөндә булыуын, наутилоид эзбизташына ҡарағанын асыҡлай. Әллә ҡасандан кешеләр уның шифалы икәнен белгән. Күп ауырыуҙарҙан ярҙам итә, тип иҫәпләнә. Шуға Әнүр атаһының ҡаҙылмаһын «тылсымлы моллюск» тип тә йөрөтә башлай.
Күп мәғлүмәт туплағас, синыф сәғәтендә синыфташтары алдында «Һеҙҙең уңыш бетеүҙәре. Ғәҙәти булмаған әйберҙәр» тигән темаға сығыш яһай. Башҡалар ҙа бик ҡыҙыҡһынып, бергәләп Иван Скуин исемендәге таш музейын барып күрәләр. Бик бай, әйтеп бөтмәҫлек тәьҫорат алалар. Унан музейға 20 минерал тапшырған Роза Ворончихинаны үҙҙәренә осрашыуға саҡырып, таштар тураһында белемдәрен тағы ла арттыралар.
Бына шулай бер табылған таш Әнүрҙең тормошона әллә күпме яңылыҡтар, үҙгәрештәр алып килә.
– Ул – минең тылсымлы бетеүем, һәр ваҡыт һаҡлап, ярҙам итеп тора. Тик серлелегенә ышанырға ғына кәрәк, – ти йәш тикшеренеүсе.
Гөлназ ШӘЙХЕТДИНОВА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж