Өйҙөң йәме – һандыҡта!

Олатайымдың нисек һандыҡ яһағанын ҡарарға яратам. Шундай ихлас, күңелен һалып эшләй. Уның һандыҡтары менән нисәмә ҡыҙ кейәүгә сыҡҡан.

Ҡәҙерлемдең исеме – Мансур Усманов. Ишкилде ауылынан. Ул күмәк ғаиләлә үҫә, Ишкилделә, Белоретта, Буранғолда уҡый. Әрмелә Белоруссияла хеҙмәт итә. Шофёр ҙа була, әле 1989 йылдан алып Асҡарҙа янғын һүндереү бүлексәһендә тырышып эшләй.

Арып ҡайтһа ла, яратҡан шөғөлөнә ваҡыт таба. 1988 йылдан һандыҡтар яһай башлай.

– 200-ҙән ашыуҙы эшләнем. Һандыҡтарым Әбйәлилдә генә түгел, Башҡортостандың һәр районында тиерлек бар, – ти.

Олатайым был шөғөлгә атаһынан өйрәнгән. Ул да бик оҫта. Өйҙәрҙе матур итеп кенә һалып ҡуя. Әле оло булһа ла, өй өмәһенә йөрөй, кәңәш бирә.

Әйткәндәй, уның һандыҡтары төрлө конкурстарҙа призлы урындар яуланы. Киләсәктә ҡустым да өйрәнер, тип ышанам. Һандыҡ һатып алырға теләүселәргә сер итеп кенә хаҡын да әйтәм: ҙурҙары – 4 мең, бәләкәстәре – 1 мең, ә уртасарағы 2 мең 500 һум тора.

Өйҙөң йәме – һандыҡта ул!

Гөлназ НОҒОМАНОВА, IV синыф уҡыусыһы.
Әбйәлил районы, Асҡарҙағы Таһир Күсимов исемендәге гимназия.

Читайте нас в

1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.

Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.

Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.

Телефон

8 (347) 273-36-64.

Электрон почта

[email protected]

Адресы

450079, г. Уфа, ул. 50 летия Октября, 13, 8-й этаж