+1 °С
Болотло
Бөтә яңылыҡтар
Һөнәре барҙың – ҡәҙере бар
11 Июнь 2020, 13:26
Ҡулынан килмәгән эше юҡ
Ҡолғана ауылы элек-электән уңған, эшһөйәр, булдыҡлы халҡы менән дан тота. Балаларҙы ла кескәй генә саҡтан эшкә өйрәтә, хеҙмәткә хөрмәт тәрбиәләй беләләр.
Бөгөнгө һүҙем – туғыҙ балалы татыу, өлгөлө Килдейәровтар ғаиләһендә бишенсе булып донъяға килгән Рәмзилә инәйем хаҡында. Мәктәпте, һөнәрселек училищеһын яҡшы билдәләргә тамамлағас, ул тыуған ауылында төпләнә. Әлеге көндә инәйем – шәхси эшҡыуар, биш баланың һөйөклө әсәһе, биш ейән-ейәнсәрҙең яратҡан өләсәһе. Күп йылдар инде тормош иптәше Сәлих Ишбирҙе улы менән кәңәшләшеп, ферма төҙөйҙәр һәм һыйыр малдары аҫрайҙар. Бөтә эште ҡул көсө менән үҙҙәре башҡара. Һыйырҙың ағын эшкәртеп, баҙарға сығып, һатыу итәләр. Алма ағасынан алыҫ төшмәй, тиҙәр. Улдары ла – эшҡыуар, гөрләтеп үҙ аллы донъя көтәләр, балалар үҫтерәләр. Ҡыҙҙары – буласаҡ табип. Ә иң төпсөктәре Иҙел мәктәптә уҡып йөрөй.
Ҡулынан килмәгән эше юҡ инәйемдең. Бер генә минут та буш ултырмай. Бигерәк тә ҡул эштәренә оҫта: бәйләй, сигә, тегә. Башҡорт халҡының милли биҙәүестәрен оҫта эшләй. Туғандарына, балаларына бүләк итә, заказдар ҙа ҡабул итеп өлгөрә.
Рәмзилә Хажиәхмәт ҡыҙы һәр иртә һөйөнөп эшенә бара, күңелен һалып башҡара. Хеҙмәте менән кешеләргә файҙа килтереүенә ҡыуана. Ниндәй генә ауырлыҡтар осраһа ла, ҡурҡып ҡалмай, маҡсатына ирешә. Уның хеҙмәтен лайыҡлы баһалайҙар: алған ҡиммәтле бүләктәре, Маҡтау ҡағыҙҙары был турала һөйләй.
Бала саҡтан сос, егәрле, тырыш инәйем тормошта үҙ урынын тапҡандыр, тип уйлайым. Киләсәге именлектә-һаулыҡта, шатлыҡ-ҡыуаныста ғына үтһен. Һин быға лайыҡһың, инәйем!
Заһиҙә МОРАТШИНА.
Бөрйән районы, Байназар мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж