-3 °С
Ясна
Бөтә яңылыҡтар
Һөнәре барҙың – ҡәҙере бар
11 Сентябрь 2020, 19:47
Ҡулдарынан бал тама
Йәйге каникул тамам. Ғәҙәттәгесә, мин ялымды Әлшәй районы Ҡармыш ауылында өләсәйем һәм олатайым эргәһендә үткәрҙем. Дуҫтарым менән Дим йылғаһы буйында һыу индек, яланда туп типтек, еләккә йөрөнөк. Өләсәйемдең тәмле-татлы ризыҡтары менән дә һыйландым.
Әлеге ваҡытта хаҡлы ялдағы Айһылыу өләсәйем күп йылдар ауылда ашнаҡсы булып эшләгән, йәйгеһен колхозсыларҙы, ҡышын мәктәп уҡыусыларын тәмле аштары менән туҡландырған. Уның бешергән ризыҡтарын тәмләп, рәхмәт һүҙҙәре әйтмәгән кеше юҡтыр Ҡармышта. Шуға ла үҙен бик хөрмәт итәләр, әле булһа ла ҙур мәжлестәр ваҡытында кәнәш һорап мөрәжәғәт итәләр. Оҫта шул! Айырыуса өләсәйем бешергән сәксәкте бик яраталар, һәр ваҡыт ул ҡабарып, уңып, тел йотҡос тәмле булып бешә. Ауыҙҙа иреп кенә тора сәксәге. Күстәнәскә тип ауылдаштар уны төрлө ҡалаларға, хатта сит илгә алып китәләр. Килен сәксәге итеп ҡоҙаларҙы һыйлайҙар.
Был тәмлекәсте бешереү серен өләсәйем әсәһенән өйрәнеп ҡалған. Сәксәкте бешереү өсөн тик яңы һалынған йомортҡа, сифатлы он, май тотоноу мотлаҡ, тип һанай ул. Һауыт-һабаның да таҙа булыуына иғтибар итә. Сәксәк уңһын өсөн эшкә һәр ваҡыт «бисмилла» әйтеп, яҡшы кәйеф менән тотонорға кәрәк, ти өләсәйем. Был ваҡытта беҙҙең кәйеф тә күтәренке, ҡустым менән түҙемһеҙләнеп уның бешеүен көтәбеҙ. Ҡаҙандағы ҡамырсаҡтар шыр-шыр килеп «һөйләшә» башлағас, сәксәк бешкән була. Иң беренсе булып тәмлекәсте беҙ тәмләйбеҙ. Йылы ғына майҙа бешкән сәксәк балһыҙ ҙа бик тәмле була. Шулай ҙа һәр эшен еренә еткереп өйрәнгән өләсәйем ҡалған бауырһаҡтарҙы баллап, төрлө төҫтәге кәнфиттәр менән биҙәп ҡуя.
Халҡыбыҙҙың был милли ризығы күптән инде республикабыҙҙың брендына әйләнгән. Һәр мәжлестә ул өҫтәлдең иң түрендә урын ала. Ә беҙ быға риза ғына. Өләсәй, һау бул, оҙаҡ йәшә, шулай гел тәмле-татлы ризыҡтарың менән һыйлап тор. Ә беҙ һинең әйткән һүҙҙәреңде, өйрәткәндәреңде иҫтә ҡалдырырға, яҡшы уҡырға тырышырбыҙ.
Айрат КАШАПОВ, II «Б» синыфы уҡыусыһы.
Өфө ҡалаһы, Фатима Мостафина исемендәге 20-се башҡорт гимназияһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж